ZER DA URMUGA

Ertz luze batek gurutzatzen du Euskal Herria mendebaletik ekialdera, eta urak Kantauri eta Mediterraneo itsasoetara banatzen ditu. Ertz luze eder honek Urmuga du izena.

Iruditeri kolektiboan mugak bereiztu, banandu, urrundu egiten omen dute.
Baina Urmuga ez da muga, baizik Euskal Herria josten duen hari luze bat, Garobel Mendilerroa Auñamenditako Hiru Erregeen Mahairekin, mendebala ekiarekin, iparra hegoarekin.

Gailurrik gailur, errekaz erreka, zuhaitzez zuhaitz, Urmuga jostura luze bat da gure geografian eta gure herri izaeran.

Urmugari begiratu eta, tantak bi itsasoetara nola, musika zabaltzen zaigu bi belarrietara.

Ekimen barneratzailea

Urmuga Ekimenaren bitartez gure geografia Musikaz beteko dugu.

Mendigailurretan Kontzertu berezien bitartez Musika sortuko dugu, guztiok ulertzen dugun hizkuntza, eta alde horretatik ekimen barneratzailea izango da, eta mendizaletasunak bere baitan gordetzen duen ezaugarriekin uztartuko dugu, nola kidetasuna, naturarekiko harremana, aldatza gorako norbanako bidaia.

URMUGA Euskalherrian zehar osatuko dugun bidai integratzailea izanen da Musika eta Mendizaletasuna uztartuz.

NORTZUK GARA URMUGA

Mendizaleak eta musikazaleak garen hainbat lagun batu eta ertz eder honetan musika imajinatzen hasi ginen. Irudimenagatik sortutako egitasmoa elkarlanaren bitartez Ekimen indartsu bat garatu dugu.